TUNES

TUNES

it. TUNIS Strab. Tunicense oppid. Plin. l. 5. c. 4. (Thinissa forsan Ptolem.) vulgo Tunisi, urbs Africae, Episcopalis olim, a Carthaginc 12. mill. pass. teste Liviô, l. 30. c. 9. hâc tempestate clara et regia, amplissima Satrapae sedes. Non longe abhinc Romani fracti et caesi a carrthaginensibus, Xantippô lacedaemoniô auxiliante, quô tempore M. Regulus captus est. Postmodum sub Saracenis; obsessa fuit a Ludovico IX. Galliae Rege, qui regem Tunetanum X. M. caesis vicerat, sed peste saevâ magnâ exercitus parte, ipsô quoque Ludovicô absumptô, Carolus frater durissimis conditionibus obsidonem solvit, A. C. 1270. Paul. Aemil. l. 7. capta postea ab Arcadeno Aenobarbo Cirthae Rege, sed recuperata: a Carolo V. item A. C. 1535. Muleasse rege exturbatô, postea reddita Regilegitimo: cuius stirpe exstinctâ, Philippus II. sub cumus fide postremi Reges fuerant, regnô cum arce Goleta, A. C. 1574. ab Amurathe exutus est, culpâ per iocum, in podagram Suessani Ducis, austrii Sphaeristerium, et Cardinal. Granvellani subligar, reiectâ. Thuan. Hist. l. 5. Hodie Rei publ.

formam habet, receptaculum priatarum, sub protectione Turcarum Imperatoris. Hîc equi velocissimi, Barbari nobis; qui et in Massylia et Numidia passim. Baudrando Tunes, seu Tunetum, vulgo Tunisi Italis, Tunis Gallis, urbs est ampla Afrieae, cum arce et portu amplo, regni Tunetani caput, in ora maris Mediterranei, sed piraticâ infamis. Capta fuerat a Carolo V. ut dictum, et postea proprio Regi reddita; sed deficiente stirpe masculâ, nunc quandam Reip. formam servat sub clientela Turcarum, 4. leucis distat a Golerta arce firmissima in Meridiem, et 40. ab Hermaeo promuntorio. Populi Tunetei. Sidonio Tunisei, in Paneg. Anthem.

Torrida Tuniseos infert mihi Byrsa furores.

In Africa, Academiam Fesensem et Tunetanam inprimis, celebrat Clenardus; et Fessae quidem, post Grammaticam, in alcorano et Scholasticis Doctoribus, totos esse: Tuneti vero, coeteras omnes disciplinas florere, tradit. Collegia ibi, in quibus Studiosi Artibus, Medicinae, Legibus operam dant, non pauca: Scribitque Iovius Histor. l. 43. et 44. Muleassem Regem, Averroicae Philosophiae apprime peritum, cum Philosophis Italis, de Natura Universi, Caeli motu. Siderum potestate, saepius disputâsse. Vide Georg. Hornium, Histor. Philos. l. 5. c. ult. et infra in voce Tunetanum Regnum.